Enquisas de conxuntura elaboradas polo Ministerio de Enerxía, Turismo e Axenda Dixital

Á mostra elixida de establecementos do sector da construción envíaselle un cuestionario idéntico todos os meses, Ante a imposibilidade de agrupar ás empresas construtoras en subsectores dentro da división 45 da CNAE (actividade construtora), ínstase ás mesmas a que diferencien as súas respostas en función do destino das súas obras. Así, a súa actividade pode centrarse no mes de referencia nun ou varios dos seguintes segmentos: vivendas, construcións industriais, outras edificacións e/ou obras civís.

As preguntas cualitativas para todos os tipos de obra céntranse no seguimento da produción ou obra executada, tanto en termos de nivel como de tendencia futura; os factores limitativos da produción construtora, coas opcións de resposta:

• Debilidade da demanda, materializada en insuficiencia de obra privada e/ou pública
• Falta de man de obra -non cualificada e/ou cualificada
• Falta de abastecemento de materiais
• Insuficiencia de equipamento
• Dificultades de financiamento
• Condicións meteorolóxicas e outras
• A situación actual das carteiras de pedidos (total e estranxeira) ou nivel de contratación;
• A tenza dos prezos e a tendencia do emprego;

As preguntas cuantitativas tamén se diferencian por tipos de obra e son dúas:

1. Número de ocupados adscritos a obra.
2. Período de traballo asegurado coa actual carteira de pedidos.

É posible descargarse:

Metodoloxía da ECC [339 KB] [PDF]

Informe metodolóxico estandarizado [PDF] [126 KB]

Cuestionario Construción [100 KB] [PDF]

Aspectos metodolóxicos e armonización de enquisas de conxuntura a nivel internacional

Especial mención nos aspectos metodolóxicos das enquisas de conxuntura merece a seguinte páxina, situada no portal do OCDE :

Business Tendency and Consumer Surveys: International Development Work and Co-ordination

O seu obxectivo é promover as boas prácticas para este tipo de enquisas a través do intercambio de información e estatísticas entre organismos internacionais e institutos nacionais encargados da súa realización.